சென்னை: மழையால் உயிரிழந்தவர்களின் குடும்பங்களுக்கு தலா ரூ.4 லட்சம் நிவாரணத் தொகை வழங்கப்படும் என முதல்வர் ஜெயலலிதா அறிவித்துள்ளார். முதல்வர் ஜெயலலிதா இது குறித்து வெளியிட்டுள்ள அறிக்கையில் மழையால் முழுவதும் சேதமுற்ற நிரந்தர வீடு ஒன்றுக்கு ரூ.95,100 இழப்பீட்டு தொகை வழங்க்கப்படும் என்று அறிவித்துள்ளார். மேலும் முழுவதும் சேதமுற்ற குடிசை வீடு ஒன்றுக்கு ரூ.5000 இழப்பீட்டு தொகையும், ஒரு பகுதி சேதமடைந்த குடிசை வீடுகளுக்கு ரூ.4,100 இழப்பீடும் வழங்கப்படும் எனவும் அறிவித்துள்ளார். இழப்பீட்டு தொகையுடன் 10 கிலோ அரிசி, உடை, 1 லிட்டர் மண்ணெண்ணெய் வழங்கவும் ஆணையிட்டுள்ளார்.
விவசாயிகளுக்கு இழப்பீடு:
மழையால் பாதிக்கப்படும் நெல், நீர்ப்பாசனம் பெறும் நெற்பயிர்களுக்கு இழப்பீடு தர ஜெயலலிதா ஆணையிட்டுள்ளார். பயிருக்கு ஏற்ப ஹெக்டர் ஒன்றுக்கு ரூ.7,140 முதல் ரூ.18 ஆயிரம் வழங்க உத்தரவிட்டுள்ளார். மழையால் விவசாயிகளின் கால்நடைகள் உயிரிழந்தாலும் இழப்பீடு தர ஜெயலலிதா உத்தரவிட்டுள்ளார். பசு, எருமை மாட்டுக்கு ரூ.30,000, ஆடு, பன்றிக்கு ரூ.3000, கோழிக்கு ரூ.100 இழப்பீடு வழங்கப்படும் என அறிவித்துள்ளார். மழையால் சேதமடையும் படகுகளை பழுது பார்க்கவும் உதவி தொகை அறிவித்துள்ளார்.
No comments:
Post a Comment