பொள்ளாச்சி,
கருவி மூலம் நிலக்கடலை விதைக்கும் விவசாயிக்கு மானியம் வழங்கப்படுவதாக வேளாண்மைத்துறை அதிகாரிகள் கூறினார்கள்.
மானியம்
இதுகுறித்து பொள்ளாச்சி தெற்கு ஒன்றிய வேளாண்மைத்துறை உதவி இயக்குனர் பெருமாள்சாமி, வேளாண்மைத்துறை அதிகாரி சுமியா பானு ஆகியோர் கூறியதாவது:-
தேசிய வேளாண்மை அபிவிருத்தி திட்டம் எண்ணெய்வித்து இயக்கத்தின் கீழ் விதைப்பு கருவி மூலம் நிலக்கடலை விதைக்கும் விவசாயிகளுக்கு ஹெக்டேருக்கு ரூ.1000 மானியம் வழங்கப்படுகிறது. ஒரு விவசாயிக்கு அதிகபட்சமாக 2 ஹெக்டேருக்கு மானியம் வழங்கப்படுகிறது. தெற்கு ஒன்றியத்திற்கு 200 ஹெக்டேருக்கு இலக்கு நிர்ணயிக்கப்பட்டு உள்ளது. இந்த திட்டத்தில் துவரையை ஊடுபயிராக பயிரிடும் விவசாயிகளுக்கு மட்டும் மானியம் வழங்கப்படும்.
மண் வளம் மேம்படுத்தல் திட்டம்
கருவி மூலம் விதைப்பு செய்வதற்கான வாடகை ரசீது, சிட்டா, ரேஷன் கார்டு, வங்கி கணக்கு புத்தகம் ஆகியவற்றின் நகல், ஆதார் அட்டை இருந்தால் அதன் நகல் ஆகியவற்றுடன் வேளாண் விரிவாக்க மையத்தில் பதிவு செய்ய வேண்டும். பின்னேற்பு மானியம் விவசாயிகளின் வங்கி கணக்கில் செலுத்தப்படும். மேலும் இதே திட்டத்தில் ஹெக்டேருக்கு நிலக்கடலை பயிருக்கு திரவநிலை உயிர் உரம் பாஸ்போ பாக்டீரியா 500 மில்லி லிட்டர், நிலக் கடலை ரைசோபியம் 500 மில்லி லிட்டர் வழங்கப்படுகின்றன. இதற்கு மானியமாக ரூ.150 வழங்கப்படுகிறது. மீதி தொகையை விவசாயிகள் செலுத்த வேண்டும். ஒரு விவசாயிக்கு ஒரு ஹெக்டேருக்கு மானிய விலையில் வழங்கப்படும்.
தெற்கு ஒன்றியத்திற்கு 80 ஹெக்டேர் இலக்கு நிர்ணயிக்கப்பட்டு உள்ளது. தேசிய வேளாண்மை அபிவிருத்தி திட்டத்தில் மண் வளம் மேம்படுத்தல் திட்டத்தின் கீழ் பசுந்தாள் உரப்பயிர்களான சணப்பை அல்லது தக்கை பூண்டு விதைப்பிற்கு மானியம் வழங்கப்படுகின்றன. ஊடுபயிராக இல்லாமல் தனிப்பயிராக சாகுபடி செய்திருக்க வேண்டும். ஒரு ஹெக்டேருக்கு ரூ.2 ஆயிரம் மானியம் வழங்கப்படுகின்றன. ஒரு விவசாயிக்கு அதிகபட்சமாக 2 ஹெக்டேருக்கு வழங்கப்படும். தெற்கு ஒன்றியத்திற்கு 65 ஹெக்டேருக்கு இலக்கு நிர்ணயிக்கப்பட்டு உள்ளன. வேளாண்மை உதவி அதிகாரி ஆய்விற்கு பிறகு மானியம் விவசாயிகளின் வங்கி கணக்கில் சேர்க்கப்படும்.
இவ்வாறு அவர்கள் கூறினார்கள்.
கருவி மூலம் நிலக்கடலை விதைக்கும் விவசாயிக்கு மானியம் வழங்கப்படுவதாக வேளாண்மைத்துறை அதிகாரிகள் கூறினார்கள்.
மானியம்
இதுகுறித்து பொள்ளாச்சி தெற்கு ஒன்றிய வேளாண்மைத்துறை உதவி இயக்குனர் பெருமாள்சாமி, வேளாண்மைத்துறை அதிகாரி சுமியா பானு ஆகியோர் கூறியதாவது:-
தேசிய வேளாண்மை அபிவிருத்தி திட்டம் எண்ணெய்வித்து இயக்கத்தின் கீழ் விதைப்பு கருவி மூலம் நிலக்கடலை விதைக்கும் விவசாயிகளுக்கு ஹெக்டேருக்கு ரூ.1000 மானியம் வழங்கப்படுகிறது. ஒரு விவசாயிக்கு அதிகபட்சமாக 2 ஹெக்டேருக்கு மானியம் வழங்கப்படுகிறது. தெற்கு ஒன்றியத்திற்கு 200 ஹெக்டேருக்கு இலக்கு நிர்ணயிக்கப்பட்டு உள்ளது. இந்த திட்டத்தில் துவரையை ஊடுபயிராக பயிரிடும் விவசாயிகளுக்கு மட்டும் மானியம் வழங்கப்படும்.
மண் வளம் மேம்படுத்தல் திட்டம்
கருவி மூலம் விதைப்பு செய்வதற்கான வாடகை ரசீது, சிட்டா, ரேஷன் கார்டு, வங்கி கணக்கு புத்தகம் ஆகியவற்றின் நகல், ஆதார் அட்டை இருந்தால் அதன் நகல் ஆகியவற்றுடன் வேளாண் விரிவாக்க மையத்தில் பதிவு செய்ய வேண்டும். பின்னேற்பு மானியம் விவசாயிகளின் வங்கி கணக்கில் செலுத்தப்படும். மேலும் இதே திட்டத்தில் ஹெக்டேருக்கு நிலக்கடலை பயிருக்கு திரவநிலை உயிர் உரம் பாஸ்போ பாக்டீரியா 500 மில்லி லிட்டர், நிலக் கடலை ரைசோபியம் 500 மில்லி லிட்டர் வழங்கப்படுகின்றன. இதற்கு மானியமாக ரூ.150 வழங்கப்படுகிறது. மீதி தொகையை விவசாயிகள் செலுத்த வேண்டும். ஒரு விவசாயிக்கு ஒரு ஹெக்டேருக்கு மானிய விலையில் வழங்கப்படும்.
தெற்கு ஒன்றியத்திற்கு 80 ஹெக்டேர் இலக்கு நிர்ணயிக்கப்பட்டு உள்ளது. தேசிய வேளாண்மை அபிவிருத்தி திட்டத்தில் மண் வளம் மேம்படுத்தல் திட்டத்தின் கீழ் பசுந்தாள் உரப்பயிர்களான சணப்பை அல்லது தக்கை பூண்டு விதைப்பிற்கு மானியம் வழங்கப்படுகின்றன. ஊடுபயிராக இல்லாமல் தனிப்பயிராக சாகுபடி செய்திருக்க வேண்டும். ஒரு ஹெக்டேருக்கு ரூ.2 ஆயிரம் மானியம் வழங்கப்படுகின்றன. ஒரு விவசாயிக்கு அதிகபட்சமாக 2 ஹெக்டேருக்கு வழங்கப்படும். தெற்கு ஒன்றியத்திற்கு 65 ஹெக்டேருக்கு இலக்கு நிர்ணயிக்கப்பட்டு உள்ளன. வேளாண்மை உதவி அதிகாரி ஆய்விற்கு பிறகு மானியம் விவசாயிகளின் வங்கி கணக்கில் சேர்க்கப்படும்.
இவ்வாறு அவர்கள் கூறினார்கள்.
No comments:
Post a Comment