சிவகங்கை மாவட்டத்தில் இயந்திரம் மூலம் நேரடி நெல்
விதைப்புக்கு மானியம் வழங்கப்படுவதாக வேளாண் துறை தெரிவித்துள்ளது.
இதுகுறித்து சிவகங்கை வட்டார வேளாண்மை உதவி இயக்குனர்
தனபாலன் கூறியது: சிவகங்கை வட்டம் சோழபுரம், நாலுகோட்டை, சுந்தரநடப்பு, மாங்குடி, ஆலங்குளம்,
வேம்பங்குடி போன்ற கிராமங்களில் இயந்திரம் மூலம் நேரடி நெல் விதைப்பு செயல்படுத்தப்பட்டு
வருகிறது. இயந்திரம் மூலம் நேரடி விதைப்பு செய்வதால் விதை அளவு குறைகிறது.
மேலும் பயிர் எண்ணிக்கை சரியான விகிதத்தில் பராமரிக்கப்படும்.
குறிப்பிட்ட இடைவெளியில் விதை விதைப்பதால் களை எடுப்பது, பயிர் பாதுகாப்பது எளிதாக
இருக்கும். இத்திட்டத்திற்கு ஒரு ஹெக்டேருக்கு ரூ.5 ஆயிரம் மானியம் வழங்கப்படுகிறது.
அதில், ரூ.2,455க்கு விதை, நுண்ணூட்ட உரம், உயிர்
உரம் போன்றவை வட்டார வேளாண் விரிவாக்க மையம் மூலம் வழங்கப்படும். ரூ.2,545க்கு விதைக்கும்
கருவிக்கான வாடகை, களைக்கொல்லி வாங்கியதற்காக விவசாயிகள் வங்கி கணக்கில் மானியமாக வழங்கப்படும்.
ஒரு விவசாயி அதிகபட்சம் 2 ஹெக்டேருக்கு மானிய உதவி
பெறலாம். அதனால், சிவகங்கை வட்டார விவசாயிகள் இந்த
வாய்ப்பினை பயன்படுத்திக் கொள்ள வேண்டும் என்றார்.
No comments:
Post a Comment