விவசாயிகளுக்கு சின்ன வெங்காயம் சாகுபடி தொழில்நுட்பப் பயிற்சி

பெரம்பலூர் மாவட்டத்தைச் சேர்ந்த  விவசாயிகளுக்கு சின்ன வெங்காயம் சாகுபடி குறித்த தொழில்நுட்பப் பயிற்சி அளிக்கப்படுகிறது என்றார் தோட்டக்கலைத் துறை துணை இயக்குநர் ம. இந்திரா.

பெரம்பலூர் மாவட்டத்தில், ஒருங்கிணைந்த தோட்டக்கலை வளர்ச்சி இயக்கத் திட்டத்தில் 2015-16 ஆம் ஆண்டுக்கு சின்ன வெங்காயம் சாகுபடிக்கு 350 ஹெக்டேர் இலக்கீடு செய்யப்பட்டுள்ளது. மேலும், இத்திட்டத்தில் பயனடைய அனைத்து வட்டாரங்களிலும் தேர்வு செய்யப்பட்ட 680 விவசாயிகளுக்கு தொழில்நுட்பப் பயிற்சி அளிக்க உத்தேசிக்கப்பட்டு விவசாயிகளுக்கு முறையாக தகவல் தெரிவிக்கப்பட்டுள்ளது.அதன்படி, ஆக. 31 மற்றும் செப். 2 ஆம் தேதிகளில் பெரம்பலூர் மற்றும் வேப்பூர் வட்டார விவசாயிகளுக்கு பெரம்பலூர் வட்டாரத்திலும், 3 ஆம் தேதி வேப்பந்தட்டை வட்டார விவசாயிகளுக்கு வேப்பந்தட்டை வட்டாரத்திலும் நடைபெற உள்ளது. எனவே, இந்த தொழில் பயிற்சி கூட்டங்களில் விவசாயிகள் பங்கேற்று பயன்பெறலாம்.

Source: 

http://www.dinamani.com/edition_trichy/perambalur/2015/08/29/%E0%AE%B5%E0%AE%BF%E0%AE%B5%E0%AE%9A%E0%AE%BE%E0%AE%AF%E0%AE%BF%E0%AE%95%E0%AE%B3%E0%AF%81%E0%AE%95%E0%AF%8D%E0%AE%95%E0%AF%81-%E0%AE%9A%E0%AE%BF%E0%AE%A9%E0%AF%8D%E0%AE%A9-%E0%AE%B5%E0%AF%86%E0%AE%99%E0%AF%8D%E0%AE%95/article2999450.ece