தேனீ வளர்ப்புக்கு இலவசப் பயிற்சி

கனரா வங்கியின் சுயவேலை பயிற்சி நிலையத்தில், செப்டம்பர் 15 ஆம் தேதி முதல் தேனீ வளர்ப்புக்கான பயிற்சி வகுப்புகள் நடைபெற உள்ளன.

இது குறித்து, பயிற்சி மையத்தின் இயக்குநர் எம். முருகராஜ் தெரிவித்தது: 2015-16 ஆம் ஆண்டில், 29 வகையான பயிற்சி வகுப்புகள் நடத்துவதற்கு திட்டமிடப்பட்டுள்ளது. அதன்படி, தேனீ வளப்புக்கான பயிற்சி வகுப்புகள் செப்டம்பர் 15ஆம் தேதி முதல் நடைபெறவுள்ளது. பயிற்சி முடித்தவர்களுக்கு, வங்கிக் கடன் உதவி பெற பரிந்துரை செய்யப்படும்.

எட்டாம் வகுப்பு வரை படித்துள்ள 18 முதல் 45 வயதுக்குள்பட்டவர்கள் இப்பயிற்சி வகுப்புகளில் பங்கேற்கலாம். இது முற்றிலும் இலவசமாக நடத்தப்படுகிறது.இதில் சேர விருப்பமுள்ளவர்கள், குடும்ப அட்டை, வாக்காளர் அடையாள அட்டை, கல்விச் சான்றிதழ் நகல்களுடன், மார்பளவு புகைப்படம் (3) ஆகியவற்றுடன், இயக்குநர், கனரா வங்கி ஊரக சுயவேலை வாய்ப்புப் பயிற்சி மையம், 83-ஏ. முதல் மாடி, டிஎம்எஸ்எஸ்எஸ் கட்டடம், நேருஜி நகர், திண்டுக்கல் என்ற முகவரிக்கு நேரடியாக வரவேண்டும்.

கூடுதல் விவரங்களுக்கு, 94426-28434, 99408-35147, 88700-76537, 0451-2434034 ஆகிய எண்களில் தொடர்பு கொள்ளலாம் எனத் தெரிவித்துள்ளார். 

http://www.dinamani.com/edition_madurai/dindigul/2015/09/14/%E0%AE%A4%E0%AF%87%E0%AE%A9%E0%AF%80-%E0%AE%B5%E0%AE%B3%E0%AE%B0%E0%AF%8D%E0%AE%AA%E0%AF%8D%E0%AE%AA%E0%AF%81%E0%AE%95%E0%AF%8D%E0%AE%95%E0%AF%81-%E0%AE%87%E0%AE%B2%E0%AE%B5%E0%AE%9A%E0%AE%AA%E0%AF%8D-%E0%AE%AA%E0%AE%AF/article3026441.ece