சந்தைப்படுத்துதல் குறித்து விவசாயிகளுக்கு பயிற்சி

கோபி: வேளாண் விற்பனை மற்றும் வேளாண் வணிகத்துறை விரிவாக்க சீரமைப்பு திட்டம் சார்பில், சந்தைப்படுத்துதல் மற்றும் மதிப்பு கூட்டு பொருட்களாக மாற்றுவது குறித்து செயல்விளக்க பயிற்சி, கோபியில் நேற்று நடந்தது. உணவு பதப்படுத்தும் பயிற்சியாளர் ஆனந்தன், வேளாண் அலுவலர் (வேளாண் வணிகம்) கார்த்திகேயன், உழவர் சந்தை நிர்வாக அலுவலர் கணேசன் உட்பட் பலர் பங்கற்றனர்.

வேளாண் வணிக துணை இயக்குனர் சுப்பிரமணியன் தலைமை வகித்து பேசியதாவது: விவசாயிகளுக்கு கடன் தர, எந்த வங்கிகளும் முன் வருவதில்லை. இதனால் விவசாயம் ஒரு கவுரவமான தொழில் இல்லாமல் போகிறது. விஞ்ஞான வளர்ச்சிக்கு தகுந்தாற்போல், நாம் விவசாயம் செய்யவில்லை எனில், விவசாயம் செய்யும் பரப்பளவு குறைந்துவிடும். விவசாய பணியில் ஈடுபடாதவர்கள், 100 நாள் வேலைவாய்ப்பு திட்டத்துக்கு சென்று விடுகின்றனர். எனவே, விவசாய பணிக்கு ஆட்கள் கிடைப்பது, சிரமமாக உள்ளது. தவிர, ஒழுங்குமுறை விற்பனை கூடம் பக்கம், விவசாயிகள் எவரும் வருவதில்லை. தேங்காய் பருப்புக்கு மட்டுமே மார்க்கெட் நடக்கிறது. இந்த சூழலில் விளை பொருட்களுக்கு நல்ல விலை கிடைக்க வேண்டும் எனில், மதிப்பு கூட்டப்பட்ட பொருட்களாக மாற்ற வேண்டும்' என்றார்.

http://www.dinamalar.com/district_detail.asp?id=1341670