பயிர்க் காப்பீடு செய்ய கால அவகாசம்

தேசிய பயிர்க் காப்பீட்டுத் திட்டத்தின் கீழ் விவசாயிகள் பதிவு செய்யவதற்கான கடைசி தேதி நவ.15-ஆம் தேதி வரை நீட்டிக்கப்பட்டுள்ளது.

இதுகுறித்து வேளாண் துறை இயக்குநர் சி.என்.சுவாமி வெளியிட்ட செய்திக் குறிப்பு:

தேசிய பயிர்க் காப்பீட்டுத் திட்டத்தின் கீழ், பயிர்க் கடன் பெறாத விவசாயிகள் தாங்கள் விதைத்துள்ள பயிர்களுக்கு பயிர்க் காப்பீடு செய்வதற்கான கடைசி தேதியை நவ.15-ஆம் தேதி வரை நீட்டிக்கப்பட்டுள்ளது.

ஆக.1-ஆம் தேதி முதல் விதைக்கப்பட்ட பயிர்களுக்கு இதில் காப்பீடு பெறலாம். பயிருக்காக விதை விதைக்கப்பட்டுள்ளதற்கான உறுதிச் சான்றிதழை வருவாய்த் துறை அதிகாரிகளிடமிருந்து பெற்று, சம்பந்தப்பட்ட வங்கிகளில் ஒப்படைக்கலாம். உறுதிச் சான்றிதழ் ஒப்படைப்பது கட்டாயமாக்கப்பட்டுள்ளது. பயிர்க் காப்பீட்டில் பதிவு செய்ய காலக்கெடு நீட்டிக்கப்பட்டுள்ள வாய்ப்பை விவசாயிகள் பயன்படுத்திக் கொள்ள வேண்டும்.

இதுகுறித்து விவசாயிகள் தகவல் தொடர்பு மையங்கள் அல்லது வங்கிகளில் விவரங்களைத் தெரிந்து கொள்ளலாம் என அதில் தெரிவிக்கப்பட்டுள்ளது.

http://www.dinamani.com/edition_bangalore/2015/09/12/%E0%AE%AA%E0%AE%AF%E0%AE%BF%E0%AE%B0%E0%AF%8D%E0%AE%95%E0%AF%8D-%E0%AE%95%E0%AE%BE%E0%AE%AA%E0%AF%8D%E0%AE%AA%E0%AF%80%E0%AE%9F%E0%AF%81-%E0%AE%9A%E0%AF%86%E0%AE%AF%E0%AF%8D%E0%AE%AF-%E0%AE%95%E0%AE%BE%E0%AE%B2-%E0%AE%85/article3023855.ece