விவசாயிகளுடன் அனுபவ பயிற்சி

வில்லியனுார்: வேளாண் கல்லுாரி மாணவர்கள் தொண்டமாநத்தம் விவசாயிகளுடன் அனுபவ பயிற்சி பெற்று வருகின்றனர்.

வில்லியனுார் துணை வேளாண் இயக்குனர் முருகேசன் மேற்பார்வையில் காரைக்கால் வேளாண் கல்லுாரி மாணவர்கள் ஆறு பேர் தொண்டமாநத்தம் உழவர் உதவியகத்தில் தங்கி அப்பகுதி விவசாயிகளுடன் வேளாண் அனுபவங்கள் குறித்து பயிற்சி பெற்று வருகின்றனர். வேளாண் அறிவியல் நிலையத்தில் பல பிரிவு அலுவலர்களிடம் பயிற்சி பெற்று வருகின்றனர்.

வேளாண் கல்லுாரி மாணவர்கள் ஆறு பேரும் 90 நாட்கள் இந்த பகுதியில் தங்கி கிராமப்புற வேளாண் அனுபவங்கள் குறித்து பயிற்சி பெற உள்ளனர்.

பயிற்சி ஏற்பாடுகளை தொண்டமாநத்தம் உழவர் உதவியக வேளாண் அலுவலர் நடராஜன், உதவி வேளாண் அலுவலர் செல்வநாதன், கிராம விரிவாக்கப் பணியாளர்கள் கிருஷ்ணன், நாராயணசாமி, மதிவதணன், பாலசுந்தரம் செய்து வருகின்றனர்.

http://www.dinamalar.com/district_detail.asp?id=1340073