தமிழகம், புதுச்சேரியில் மழைக்கு வாய்ப்பு

வெப்பச் சலனம் காரணமாக, அடுத்த 24 மணி நேரத்தில் தமிழகம், புதுச்சேரியில் ஆங்காங்கே இடியுடன் கூடிய மழை பெய்ய வாய்ப்புள்ளது என வானிலை ஆய்வு மையம் தெரிவித்துள்ளது.
 கடந்த 24 மணி நேரத்தில், திருவள்ளூர் மாவட்டம் - பொன்னேரியில் 30 மி.மீ, கன்னியாகுமரி மாவட்டம் - மயிலாடி, இரணியில், விழுப்புரம், நாகர்கோவில், குளச்சலில் 20 மி.மீ மழை பதிவாகியது.
 நான்கு நாள்களுக்கு மழை நீடிக்கும்: வெப்பச் சலனம் தொடர்ந்து நீடிப்பதால், தமிழகம், புதுச்சேரியில் சனிக்கிழமையன்று ஆங்காங்கே இடியுடன் கூடிய மழை பெய்ய வாய்ப்புள்ளது.
 சென்னை மாநகரைப் பொருத்தவரை, வானம் பொதுவாக மேகமூட்டத்துடன் காணப்படும். மாலை அல்லது இரவு நேரங்களில், நகரின் ஒரு சில பகுதிகளில் இடியுடன் கூடிய மழை பெய்யும்.
 அடுத்து வரும் 4 நாள்களுக்கு, தமிழகம், புதுச்சேரியில் ஆங்காங்கே மழை பெய்யும் வாய்ப்புள்ளது என வானிலை ஆய்வு மையம் தெரிவித்துள்ளது.http://www.dinamani.com/tamilnadu/2015/09/12/%E0%AE%A4%E0%AE%AE%E0%AE%BF%E0%AE%B4%E0%AE%95%E0%AE%AE%E0%AF%8D-%E0%AE%AA%E0%AF%81%E0%AE%A4%E0%AF%81%E0%AE%9A%E0%AF%8D%E0%AE%9A%E0%AF%87%E0%AE%B0%E0%AE%BF%E0%AE%AF%E0%AE%BF%E0%AE%B2%E0%AF%8D-%E0%AE%AE%E0%AE%B4%E0%AF%88/article3023104.ece